धार्मिक अल्पसंख्यांक शाळेच्या पायाभूत सुविधांकरिता अनुदान
15 सप्टेंबर पर्यंत अर्ज सादर करण्याची मुदत
गडचिरोली,दि.25 :राज्यातील धार्मिक अल्पसंख्याक विद्यार्थी बहुल शासनमान्य अनुदानित / विनाअनुदानित/ कायम विना अनुदानित, शाळा, कनिष्ठ महाविद्यालये, औद्योगिक प्रशिक्षण संस्था, व अपंग शाळामध्ये पायाभूत सोयी सुविधा पुरविण्यासाठी अनुदान योजना सन 2024-25 ही योजना अल्पसंख्याक विकास विभागाच्या शासन निर्णयान्वये राबविण्यात येत आहे. सदर योजनेअंतर्गत सन 2024-25 या आर्थिक वर्षाकरीता अनुदान मिळवू इच्छिणाऱ्या अल्पसंख्याक बहुल शासनमान्य खाजगी शाळा, अपंग शाळा व औद्योगिक प्रशिक्षण संस्थानी त्याबाबतचा परिपूर्ण प्रस्ताव जिल्हा नियोजन समिती कार्यालय, नियोजन भवन, गडचिरोली येथे दिनांक 15 सप्टेंबर 2024 पर्यंत कार्यालयीन वेळेत सादर करावा.
प्राप्त प्रस्तावांची छाननी करुन त्रुटीची पुतर्ता करवून अंतिमरीत्या सदर योजनेअंतर्गत अनुदानास पात्र होणाऱ्या संस्थांचा प्रस्ताव जिल्हाधिकारी कार्यालयामार्फत शासनास सादर करण्यात येईल. दिनांक 15 सप्टेंबर 2024 नंतर प्राप्त होणारे प्रस्ताव विचारात घेतले जाणार नाही, याची नोंद घ्यावी. असे जिल्हाधिकारी तथा सदस्य सचिव जिल्हा नियोजन समिती, गडचिरोली यांनी कळविले आहे.
