फलोत्पादन क्षेत्रामध्ये उल्लेखनीय कार्य करणाऱ्या,शेतकऱ्यांना विविध कृषी पुरस्कार अधिक माहितीसाठी नजीकच्या तालुका कृषी कार्यालयाशी संपर्क साधावा.
भंडारा,दि.4 : महाराष्ट्र शासन कृषी विभागामार्फत राज्यात कृषी आणि सलग्न क्षेत्र तसेच फलोत्पादन क्षेत्रामध्ये उल्लेखनीय कार्य करणाऱ्या, कृषी उत्पादन आणि उत्पन्न वाढीकरिता योगदान देणाऱ्या शेतकऱ्याचा तसेच कृषी विस्तारामध्ये बहुमोल कामगिरी करणाऱ्या व्यक्ती/संस्था/गट याना डॉ. पंजाबराव देशमुख कृषीरत्न पुरस्कार, वसंतराव नाईक कृषिभूषण पुरस्कार, जिजामाता कृषिभूषण पुरस्कार, सेंद्रिय शेती कृषिभूषण पुरस्कार, उ‌द्यानपंडीत पुरस्कार, वसतराव नाईक शेतीमित्र पुरस्कार, वसंतराव नाईक शेतीनिष्ठ पुरस्कार, युवा शेतकरी पुरस्कार व कृषी विभागामध्ये उल्लेखनीय कार्य करणा-या अधिकारी/कर्मचारी याना पद्‌मश्री डॉ. विठ्‌ठलराव विखे पाटील कृषी सेवारत्न पुरस्कार प्रदान करून सन्मानित करण्यात येते.
महाराष्ट्र शासन कृषी विभागामार्फत सन २०२३ या वर्षामध्ये कृषी व सलग्न क्षेत्रात उल्लेखनीय कार्य केलेल्या व्यक्ती/गट/सस्था यांचे उपरोक्त प्रमाणे विविध कृषी पुरस्कारासाठी प्रस्ताव मागविण्यात येत आहेत. तरी जास्तीत जास्त शेतकरी/गट/संस्था/व्यक्ती यांनी विविध पुरस्कार प्रस्ताव नजीकच्या तालुका कृषी अधिकारी कार्यालयाकडे सादर करणेबाबत मा. श्री. रवीद्र बिनवडे, भाप्रसे, आयुक्त (कृषी) महाराष्ट्र राज्य, यांनी राज्यातील शेतकरी/व्यक्ती/गट/संस्था याना आवाहन केले आहे. विविध कृषी पुरस्कार प्रस्ताव तयार करणेकामी अधिक माहितीसाठी नजीकच्या तालुका कृषी अधिकारी कार्यालयाशी संपर्क साधावा.असे जिल्हा अधिक्षक कृषी अधिकारी भंडारा विभागानी कळविले आहे.
