बाल महोत्सव व क्रीडा स्पर्धेत अहिल्यादेवी बालगृह घोट
व स्थानीक शाळेतील विद्यार्थ्यानी घेतला उत्स्फूर्त सहभाग
गडचिरोली,दि.01: महिला व बाल विकास विभागांतर्गत जिल्हा महिला व बाल विकास अधिकारी कार्यालय गडचिरोली द्वारा आयोजित तीन दिवसीय जिल्हास्तरीय चाचा नेहरू बाल महोत्सव व क्रीडा स्पर्धा कार्यक्रमाचे आयोजन जिल्हा महिला व बाल विकास अधिकारी प्रकाश भांदककर व बाल कल्याण समिती अध्यक्षा वर्षा मनवर यांच्या मार्गदर्शनाखाली व जिल्हा परिविक्षा अधिकारी विनोद पाटील व जिल्हा बाल संरक्षण अधिकारी अविनाश गुरणुले यांच्या नियंत्रणात दिनांक 27 ते 29 डिसेंबर 2023 यादरम्यान अहिल्यादेवी बाल सदन घोट येथे करण्यात आले होते. 
सदर बाल महोत्सव व क्रीडा स्पर्धेत अहिल्यादेवी बालगृह घोट येथील बालिका व केंद्रीय नवोदय विद्यालय, नवोदय मराठी उच्च प्राथमिक शाळा, प. पूज्य महात्मा गांधी विद्यालय, जिल्हा परिषद उच्च प्राथमिक विद्यालय व महाविद्यालय येथील विद्यार्थी कब्बडी स्पर्धा, 100 मीटर धावणे, निबंध, चित्रकला, रांगोळी, सामान्य ज्ञान, एकल नुत्य, सामूहिक नुत्य, एकल गायन सामूहिक गायन स्पर्धा यामध्ये एकूण 264 स्पर्धक सहभागी होऊन आपल्या मधील कला गुणांना वाव देवून आनंद द्विगुणित केला. स्पर्धेत सहभागी विद्यार्थ्याना मान्यवरांच्या हस्ते शिल्ड व प्रमाणपत्र देवून गौरविण्यात आले.
समारोपीय कार्यक्रमाला अध्यक्ष म्हणून श्रीमती वर्षा मनवर अध्यक्षा बाल कल्याण समिती गडचिरोली, प्रमुख अतिथी म्हणून राजन गजभिये प्राचार्य केंद्रीय नवोदय विद्यालय घोट, रुपाली दुधबावरे सरपंच ग्रामपंचायत घोट, काशिनाथ देवगळे सदस्य बाल कल्याण समिती गडचिरोली, अँड शायनी गर्वासिस अध्यक्षा लोकमंगल संस्था घोट, प्रभुदास भैयलुमे डान्स शिक्षक, विनोद पाटील जिल्हा परीविक्षा अधिकारी, अविनाश गुरणुले जिल्हा बाल संरक्षण अधिकारी, रुपाली काळे वरिष्ठ संरक्षण अधिकारी, सारिका वंजारी विधी सल्लागार, मनोज नागोसे प्राचार्य प.पू. महात्मा गांधी हायस्कूल घोट, निर्मला टोपो अधिक्षिका स्वाधारगृह, ललिता कुजुर अधिक्षीका बालगृह, मीना रब्बेवार शिक्षक नवोदय मराठी उच्च प्राथमिक शाळा घोट, महेश रनदिये समुपदेशक, उपस्थित होते.
बक्षीस वितरण कार्यक्रमाचे प्रास्ताविक विनोद पाटील जिल्हा पारीविक्षा अधिकारी, संचालन प्रियंका आसुटकर बाल संरक्षण अधिकारी व जयंत जथाडे सामाजिक कार्यकर्ते, आभार कवेश्वर लेनगुरे बाल संरक्षण अधिकारी यांनी मानले. तर कार्यक्रमाच्या यशस्वीकरिता जिल्हा बाल संरक्षण कक्षातील तनोज ढवगाये, उज्वला नाकाडे, पूजा धमाले, रवींद्र बंडावार, निलेश देशमुख,चाईल्ड लाईनचे मयुरी रकतसिंगे, शुभम निकोडे, देवेंद्र मेश्राम, रितेश ठमके वन स्टॉप सेंटर मधील मोनिका वासनिक, सुजाता बोलीवार, प्रणाली सूर्वे व जिल्हा महिला व बाल विकास अधिकारी कार्यालय येथील विलास ढोरे, पुरुषोत्तम मुजुमदार,अधिकारी व कर्मचारी यांनी अथक परिश्रम घेतले.
