प्रधानमंत्री जनजाती आदिवासी न्याय महाअभियानाचे आयोजन
गडचिरोली, दि.29: प्रधानमंत्री जनजाती आदिवासी न्याय महाअभियान (PM- JANMAN) अंतर्गत देशातील आदिम जमातीच्या सर्वांगीण विकासाकरीता केंद्र सरकारच्या वतीने जिल्हयातील माडीया जातीच्या लाभार्थ्यांना कायमस्वरुपी घर व इतर वैयक्तीक लाभाच्या योजना तसेच त्या वस्त्यामध्ये भौतीक सुविधामिळावे, याकरीता माडिया जमातीच्या कुटुंबाचे सर्वेक्षण करणे व इतर यंत्रणेद्वारे सदर लाभार्थ्यांना योजना उपलब्ध करुन देण्याकरीता माडिया जमातीच्या कुटुंबाचे सर्वेक्षण व नोंदणीचे काम नि:पक्षपातीपणे तसेच दर्जेदारपणे पार पाडण्याच्या दृष्टीने जिल्हाधिकारी,गडचिरोली संजय मीना यांच्या मार्गदर्शनाखाली सभा दिनांक 28 डिसेंबर 2023 रोजी घेण्यात आली.
प्रधानमंत्री जनजाती आदिवासी न्याय महा अभियान (PM – JANMAN) अंतर्गत दिनांक 1 जानेवारी 2024पासुन मेळावा (CAMP) आयोजित करण्याच्या सुचना देण्यात आले आहेत. सदर आयोजित करण्यात आलेल्या मेळाव्यामध्ये (CAMP) आदिम जमातीच्या लाभार्थ्यांना जातीचा दाखला, आधार कार्ड, जन धन बॅक खाते क्रमांक, PM किसान सन्मान निधी योजना, PM उज्वला योजना, PM विश्वकर्मा योजना, सुकन्या समृध्दी योजना PM, मातृ वंदन योजना, राशन कार्ड, आयुष्यमान भारत कार्ड, म.न.रे.गा.जॉब कार्ड तसेच वनपट्टे यांचा लाभ देण्याबाबत कार्यवाही करण्याच्या सुचना देण्यात आले आहेत. तसेच सर्व आदिम वाडी वस्तीमध्ये भौतीक सुविधा पुरवणेसाठी उदा. रस्ते , अंगणवाडी , वनधन विकास केंद्र , बहुउद्देशी केंद्राचे बांधकाम, विद्युत सेवा, पिण्याचे पाणी यांचे 100 टक्के नियोजन करण्यात येणार आहेत.
प्रधानमंत्री जनजाती आदिवासी न्याय महाअभियान (PM JANMAN) कार्यक्रम अंतर्गत गडचिरोली जिल्हायामध्ये माडीया जमातीच्या ज्या लाभार्थ्यांचे कच्चे घर आहेत, अशा लाभार्थ्यांना कायमस्वरुपी पक्के घर उपलब्ध करुन देण्यासाठी केंद्र सरकार च्या वतीने सर्व गावातील माडीया जमातीच्या कुटुंबाचे सर्वेक्षण तसेच नोंदणी दिनांक 02 जानेवारी 2024 पर्यंत पुर्ण करण्याबाबत सुचना देण्यात आले आहेत.
दिनांक 1 जानेवारी 2024 पासुन मेळावा (CAMP) आयोजित करण्यात आलेल्या मेळाव्यामध्ये ग्रामस्तरावरील TDI / प्रकल्प कार्यालय प्रतिनिधी, ग्रामसेवक, तलाठी /कोतवाल, बॅकेचे प्रतिनिधी किंवा BC, आशा वर्कर /CHO, ग्रामरोजगार सेवक, ITI प्रतिनिधी, कृषी सहाय्यक, मा.वि.म. चे प्रतिनिधी व ई – सेवा केंद्र यांनी सदर मेळाव्यामध्ये (CAMP) उपस्थित राहुन लाभ देण्याबाबत कार्यवाही करावी याबाबत सुचना देण्यात आले आहेत.
सदर प्रधानमंत्री जनजाती आदिवासी न्याय महाअभियान (PM- JANMAN) हा कार्यक्रम मा. पंतप्रधान यांच्या संकल्पनेतुन आदिम लोकांच्या सर्वांगिण विकासासाठी राबविण्यात येणार आहे व यासाठी जिल्हा प्रशासनाने नियोजन केले आहे.
सदर आढावा सभा जिल्हाधिकारी संजय मीणा यांच्या मार्गदर्शनाखाली घेण्यात आली असुन सदर आढावा सभेमध्ये आयुषी सिंह, मुख्य कार्यकारी अधिकारी जिल्हा परिषद, धनाजी पाटील अतिरीक्त जिल्हाधिकारी, अतिरीक्त मुख्य कार्यकारी अधिकारी जिल्हा परिषद, प्रकल्प संचालक, जिल्हा ग्रामीण विकास यंत्रणा, उप.मुख्य कार्यकारी अधिकारी (पंचायत) जिल्हा परिषद, उप.मुख्य कार्यकारी अधिकारी (नरेगा) जिल्हा परिषद आदि उपस्थित होते. तसेच व्ह‍ि.सी. द्वारे प्रकल्प अधिकारी एकात्मिक आदिवासी विकास प्रकल्प, तहसिलदार, व गट विकास अधिकारी पंचायत समिती तसेच इतर कर्मचारी यांचा आढावा घेवुन प्रधानमंत्री जनजाती आदिवासी न्याय महाअभियान (PM JANMAN) यशस्वीपणे राबविण्याकरीता सुचना देण्यात आले.
