बालकांना दिली बाल संरक्षण विषय कायद्यांची जाणीव
गडचिरोली, दि. १३ : जिल्हा बाल संरक्षण कक्ष, जिल्हा महिला व बाल विकास अधिकारी कार्यालय, गडचिरोली तर्फे दिनांक १२/०९/२०२३ ला जिल्हा परिषद उच्च माध्यमिक तथा कनिष्ठ महाविद्यालय बेडगाव ता. कोरची येथील बालकांना बाल संरक्षण विषय कायद्यांची माहिती दिली.
जिल्हा बाल संरक्षण कक्ष गडचिरोली येथील सामाजिक कार्यकर्ता तनोज ढवगाये यांनी बालकांचे अधिकार, ग्राम बाल संरक्षण समितीची रचना व बालकांचे विविध कायदे, पोस्को ऍक्ट, जे जे ऍक्ट बालकांची काळजी व संरक्षण अधिनियम २०१५, बाल कामगार अधिनियम, चाईल्ड हेल्प लाईन टोल फ्री क्रमांक १०९८ याबाबत बालकांना मार्गदर्शक केले.
बालविवाह प्रतिबंध अधिनियम २००६ अनव्ये मुलीची वय १८ व मुलाचे २१ वर्ष पूर्ण झाल्याशिवाय विवाह करणार नाही अशी शपथ जिल्हा परिषद उच्च माध्यमिक तथा कनिष्ठ महाविद्यालयातील वर्ग ८ ते १२ मधील शिक्षण घेणाऱ्या एकूण ११४ बालकांना दिली.
सदर उपक्रम जिल्हा महिला व बाल विकास अधिकारी प्रकाश भांदककर, व जिल्हा बाल संरक्षण अधिकारी अविनाश गुरणुले यांच्या मार्गदर्शनात सुरू आहे. यावेळी उपस्थित मुख्याध्यापिका श्रीमती ऐ. एस. सोनकुसरे, श्री. मसराम, श्री. सोलंके, श्री. उसेंडी, विद्या उमरकर, उपस्थित होते.
