दहावी-बारावीत जवाहर नवोदय विद्यालयाचा निकाल 100 टक्के
चंद्रपूर, दि. 17: नुकताच दहावी व बारावी सीबीएससी बोर्डाचा निकाल जाहीर झाला असून जवाहर नवोदय विद्यालय तळोधीचा निकाल 100 टक्के लागला आहे. विद्यालयातून इयत्ता दहावीत 82 तर बारावीत 43 विद्यार्थी परिक्षेला बसले होते. हे सर्व विद्यार्थी चांगल्या गुणाने उत्तीर्ण झाले आहेत.
शाळेतून प्रथम तीन क्रमांक प्राप्त करणारे बारावीचे ओमिता झिंगरे, प्रेम अम्मवार, श्रवण विजयकर तसेच दहावीचे अपूर्वा बन्सोड, सृष्टी गवारे, व अरूण गोंगले यांचेसह सर्व उत्तीर्ण विद्यार्थ्यांचे प्राचार्य मीना मनी यांनी अभिनंदन करून शुभेच्छा दिल्या.
