सिंदेवाही | राष्ट्रीय पत्रकार दिनानिमित्त पत्रकारांचा सन्मान…
सिंदेवाही – पंचायत समिती सिंदेवाही ,बामसेफ व देवयानी इंटरनेशनल स्कुल सिंदेवाहीच्या वतीने राष्ट्रीय पत्रकार दिनाचे औचित्य साधून महाराष्ट्राचे जेष्ठ पत्रकार दर्पणकार बाळशास्त्री जामभेकर यांच्या जयंतीदिनी सिंदेवाही तालुक्यातील विविध पत्रकारांचा प्रातिनिधिक स्वरूपात भेटवस्तू व पुष्पगुच्छ देऊन सामूहिक सन्मान करण्यात आला .
याप्रसंगी पंचायत समितीचे संवर्ग विकास अधिकारी अक्षय शुक्रे यांच्या मार्गदर्शनाखाली बामसेफचे प्रा .भारत मेश्राम व देवयानी स्कुलच्या प्राचार्या शैलजा पाटिल व प्रा .सीमा सहारे यांच्या प्रमुख उपस्थितीत उपस्थित सिंदेवाहीतिल विविध दैनिकातील पत्रकारांचा प्रातिनिधीक स्वरूपात भेटवस्तू व पुष्पगुच्छ देऊन सन्मान करण्यात आला .
याप्रसंगी तालुका पत्रकार संघाच्या वतीने सर्व पत्रकार बंधूच्या हस्ते जिल्हास्तरीय अथेलेटिक्स स्पर्धेतील विजेत्या खेळाळू साजन कावळे या महाविद्यलयीन शिक्षण घेणाऱ्या व हाँटेल वेटरबाय म्हणून काम करणाऱ्या मुलाचा भेटवस्तू व पुष्पगुच्च देऊन सत्कार करण्यात आला .
यामध्ये पत्रकार सर्वस्वी तालुका मराठी पत्रकार संघाचे अध्यक्ष राकेश बोरकुंडवार ,सुधाकर गजभिये ,बाळू बतकमवार ,संतोष नन्नावार ,खालिद पठाण ,वहाब अली ,मिथुन मेश्राम ,प्रा .पिंटू बेलोरकर ,प्रवीण नागदेवते ,अनिल एलकेवार ,सुनील गेडाम शरद नैताम ,अमोल निनावे ,तेजेंद्र नागदेवते यांचा समावेश होता .
या कार्यक्रमाचे प्रास्ताविक शिक्षणतज्ञ् प्रा .भारत मेश्राम यांनी केले .तर संतोष नन्नावार यांनी आभार मानले .
