14 डिसेंबर पर्यंत भंडारा जिल्ह्यात 37 कलम लागू
भंडारा, दि. 30 : 6 डिसेंबर रोजी महापरिनिर्वाण दिन साजरा करण्यात येणार आहे त्या अनूषंगाने मिरवणूक व रॅलीचे आयोजन करण्यात येत असून जिल्ह्यात 30 नोव्हेंबर ते 14 डिसेंबर 2022 या कालावधीत विविध पक्ष व संघटनांकडून त्यांच्या प्रलंबीत मागण्यासंदर्भाने उपोषणे, धरणे, मोर्चे, रास्तो रोको, आंदोलने व संप इत्यादी आंदोलने आयोजित केली जातात त्यामुळे जिल्ह्यात कायदा व सुव्यवस्था अबाधित राखण्याच्या दृष्टीने 30 नोव्हेंबर ते 14 डिसेंबर 2022 पर्यंत 1951 च्या मुंबई पोलीस अधिनियमाचे कलम 37 (1) (3) चे आदेश अतिरिक्त जिल्हादंडाधिकारी महेश पाटील यांनी लागू केले आहे. सदर अधिसूचनेतील कोणत्याही शर्तीचे उल्लंघन झाल्यास संबंधितांवर फौजदारी नियमाअंतर्गत योग्य ती कार्यवाही करण्यात येईल.
