अन्न व औषध प्रशासनतर्फे ‘पोषक अन्न पदार्थ’ कार्यशाळा
चंद्रपूर, दि. 17 : ‘आरोग्यदायी अन्नपदार्थ खा’ या मोहिमेंतर्गत अन्न व औषध प्रशासनातर्फे कोरपना तालुक्यातील स्वप्नपुर्ती फुड्स वाखर्डी येथे नुकतेच पोषक अन्नपदार्थ कार्यशाळा घेण्यात आली. या कार्यशाळेत पोषक दुध व दुग्धपदार्थ बाबत प्रात्याक्षीकाचे सादरीकरण करण्यात आले.
कार्यशाळेत अन्न व औषध प्रशासनचे सहाय्यक आयुक्त नि.दि.मोहिते, जिल्हा सल्लागार समितीच्या सदस्य आहारतज्ञ आरती पडिशालवार व घोषणा कोरम, अन्न सुरक्षा अधिकारी प्र.भा.टोपले, स्वप्नपुर्ती फुड्सचे संतोष मोटेवाड व निलेश ताजणे तसेच जिल्हा परिषद शाळा वाखर्डी व पिंपळगाव येथील विद्यार्थी व शिक्षक सहभागी झाले असल्याचे सहायक आयुक्त नि.दि. मोहिते यांनी कळविले आहे.
