फुटबॉल खेळाचे प्रशिक्षणाकरिता इच्छुक खेळाडूंनी सहभाग नोंदवावा
भंडारा, दि. 20 : शिवछत्रपती क्रीडा संकुल बालेवाडी, पुणे येथे फुटबॉल खेळाचे प्रशिक्षणाकरिता तसेच संघ उभारणी करता नव्याने खेळाडू भरती करण्यात येत आहे. त्याकरिता 14 व 16 वर्षाखालील खेळाडूंची निवड चाचणी आयोजित करण्यात आली आहे. ही चाचणी 25 व 26 जून या कालावधीत अमरावती येथील नेहरू स्टेडियम येथे होणार आहे. 25, 26 जूनला सकाळी सात वाजेपासून ही निवड चाचणी सुरू होईल. या निवड चाचणी मध्ये ज्या इच्छुक खेळाडूंना सहभाग घ्यायचा आहे. त्यांनी जिल्हा क्रीडा अधिकारी भंडारा कार्यालयाशी संपर्क करावा. तसेच या निवड चाचणी करता खेळाडूची जन्मतारीख 14 वर्षाखालील व सोळा वर्षाखालील असावी. तसेच 14 वर्षाच्या मुलांची उंची 158 सेंटिमीटर व 16 वर्षाचे मुलांची उंची 165 सेंटिमीटर च्यावर असणे आवश्यक आहे, असे जिल्हा क्रीडा अधिकारी आशा मेश्राम यांनी कळविले आहे.
