चंद्रपुरातील शाळा- महाविद्यालयात विद्यार्थ्यांचे लसीकरण होणार मनपा मुख्यालयात प्राचार्य- मुख्याध्यापकांची बैठक

दहावी ते बारावीतील विद्यार्थ्यांचे वय १५ ते १८ आहे. त्यामुळे महापालिकेने शैक्षणिक संस्थांनाही लसीकरण शिबिरासाठी विनंती केली. महापालिकेच्या विनंतीवरून शाळा, महाविद्यालयाचे प्राचार्य- मुख्याध्यापकांनी विद्यार्थ्यांचे लसीकरण करून घेण्यासाठी सहकार्य करू, असे सांगितले. त्यानुसार शाळाची यादी तयार करून लसीकरणाचे वेळापत्रक लवकरच तयार करण्यात येणार आहे. लसीकरणास पात्र लाभार्थ्यांनी लसीकरण केंद्रावर येताना स्वत:चे आधार कार्ड आणि मोबाईल आवश्यक आहे. १५ ते १८ वर्ष वयोगटातील मुले आणि मुलींच्या  शाळा- महाविद्यालयातील लसीकरण मोहिमेला लवकरच प्रारंभ होईल, असेही यावेळी सांगण्यात आले. यावेळी आरोग्य विभागाचे डॉ. अतुल चटकी यांची उपस्थिती होती