चंद्रपूर शहरात सोमवारपासून फिरते कोरोना लसीकरण

महापौर राखी संजय कंचर्लावार यांच्या संकल्पनेतून उपक्रम

चंद्रपूर, ता. २२ : संभाव्य कोरोना लाटेवर नियंत्रण मिळविण्यासाठी कोरोना लसीकरण हा एकमेव पर्याय सध्या उपलब्ध आहे. जे नागरिक केंद्रावर जाऊन लस घेऊ शकत नाहीत, अशा दिव्यांग, ६० वर्षावरील वयोवृद्ध व अंथरुणाला खिळलेले व्यक्ती यांच्यासाठी महापौर राखी संजय कंचर्लावार यांच्या संकल्पनेतून येत्या सोमवारपासून “लसीकरण आपल्या दारी” उपक्रम राबविण्यात येणार आहे. फिरत्या लसीकरणावर भर असणार आहे, अशी माहिती चंद्रपूर शहर महानगरपालिकेचे अतिरिक्त आयुक्त विपीन पालीवाल यांनी बैठकीत दिली.