चर्मकार समाजाच्या सामाजिक, आर्थिक व शैक्षणिक
विकासासाठी राज्य व केंद्र शासनाच्या विविध योजना
भंडारा, दि. 4 : समाजाच्या सामाजिक, आर्थिक व शैक्षणिक विकासासाठी चर्मकार समाजाच्या (चांभार, मोची, डोर, होलार इ.) व्यक्तींचे जीवनमान उंचावणे व समाजप्रवाहात मानाचे स्थान मिळविण्याच्या उददेशाने केंद्र व राज्य शासनाच्या विविध शास् कीय योजना संत रोहिदास चर्मोद्योग व चर्मकार विकास महामंडळाच्या जिल्हा कार्यालयामार्फत चालू आर्थिक वर्षात योजना राबविल्या जात आहेत. या या योजनांमार्फत सामाजिक स्तर उंचविण्यासाठी जास्तीत जास्त अर्जदारांनी विविध योजनांचा लाभ घ्यावा, असे आवाहन संत रोहिदास चर्मोद्योग व चर्मकार विकास महामंडळाचे जिल्हा व्यवस्थापकांनी केले आहे.
राज्यशासनाच्या योजना अनुदान व बीज भांडवल योजना
या कार्यालयात वरील विविध शासकीय योजनाचे भौतिक व आर्थिक उदिदष्ट साध्य करण्यासाठी कार्यालयामार्फत येणाऱ्या कार्यप्रणालीस गतवर्षीप्रमाणे याही वर्षी मान्यता मिळण्यासाठी अटी व शतीनुसार कार्यालयात अर्ज स्वीकारण्यात येणार आहेत. विशेष घटक व बिज भांडवल योजने अंतर्गतचे यापूवीर्चे जूने कर्ज प्रस्ताव रदद करण्यात येतील. कर्ज मागणी घटक व बीज स्वहस्ताक्षरात व टंकलिखीत अथवा महामंडळाच्या विहीत नमुन्यातील झेरॉक्स प्रतीत अर्ज स्वीकारण्यात येतील. महामंडळ राबवित असलेल्या विविध योजनांची माहिती कार्यालयाच्या नोटीस बोर्डवर लावण्यात आलेली आहे.
कर्ज प्रस्तावासाठी दाखल करावयाची कागदपत्रे
जातीचा दाखला, उत्पन्नाचा दाखला (चालू वर्षांचा), रेशनकार्ड झेरॉक्स / रहिवाशी दाखला, मतदान ओळखपत्र, आधारकार्ड, कोटेशन (जी. एस. टी सह), आवश्यकतेनुसार प्रकल्प अहवाल, वाहनाकरीता संपर्क लायसन्स/ परतावा बॅच बिल्ला, जागेचा पुरावा, लाईटबिले / टॅक्स पावती, व्यवसायाचे नाहरकत प्रमाणपत्र आदी.
केंद्र शासनाची एन. एस. एफ. डी. सी. योजना
जुन्या प्रलंबीत कर्जप्रस्तावाबाबत महत्वाची – ज्या लाभार्थ्यांनी यापूर्वी एन.एस.एफ. डी. सी. कर्ज योजनेअंतर्गत कर्ज प्रस्ताव जिल्हा कार्यालयात दाखल केलेले असून ज्याची लाभार्थी निवड समिती झालेली आहे व जे परीपूर्ण कर्ज प्रस्ताव जिल्हा कार्यालयाकडून प्रधान कार्यालयास मंजुरीसाठी शिफारस करण्यात आलेली आहेत. अशा लाभार्थ्यांची यादी महामंडळाच्या नोटीस बोर्डवर लावलेली आहे. अधिक माहितीसाठी संत रोहिदास चर्मोद्योग व चर्मकार विकास महामंडळ कार्यालय सामाजिक न्याय भवन, जिल्हा परिषद चौक, भंडारा येथे संपर्क साधावा, असे जिल्हा व्यवस्थापक कल्पना भंगाळे यांनी कळविले आहे.
